أحمد قندوسي يعلن مغادرته نادي سيراميكا كليوباترا

أعلن الجزائري أحمد القندوسي، لاعب سيراميكا كليوباترا، انتهاء رحلته مع النادي، موجهًا رسالة وداع مؤثرة عبر فيها عن امتنانه لإدارة النادي وجماهيره.

قال القندوسي عبر صفحته الشخصية عبر “فيسبوك”: “كاين لحظات فالحياة ما تتنساش… وكاين أماكن ما تخرجش من القلب، حتى كي تغادرها، اليوم نودع سيراميكا كليوباترا… مكان ما كانش غير فريق، كان دار، وناسو كانوا عيلتي. هاد الناس آمنوا بيا فتحولي أبواب النادي، وذراعاتهم، وقلوبهم، واحتضنوني كيما واحد من أولادهم”.

أضاف: “من هنا من سيراميكا رجعت نوقف على رجليا، رجعت نآمن بنفسي ومن هاد الأرض، بدات أول خطوة رجعتني للطريق، ومنها للفريق الوطني، ولكل إنجاز فرّحني وفرّح الناس اللي حبّتني… كانوا هما البداية”.

تابع: “ربي شاهد بلي الفراق يوجع، بصح قلبي عامر بالمحبة والامتنان… شكراً من قلبي للسيد محمد أبو العينين وللأستاذ طارق أبو العينين، الكابتن معتز البطاوي، الكابتن يوسف الشربيني، الكابتن أيمن الرمادي والكابتن علي ماهر على كل لحظة ثقة، وكل نظرة دعم، شكراً للطواقم الإدارية الفنية والطبية، ولكل عامل في النادي ساندني بكلمة طيبة ولا بنظرة تشجيع ولا دعالي”.

واصل: “وشكر خاص بزاف لزمايلي في الفريق اللي كانوا إخواتي وعائلتي قبل ما يكونوا لاعبين وابدا لا انسي وقوفهم بجانبي وقت الشده وكانو السند الأول، وشكر كبير بزاف لكل جماهير مصر اللي دعمتني، شجعتني، وآمنت بيا… محبتكم ما كانتش مرتبطة بانتماء حسيت بيها فكل خطوة… ومحبتكم ما تتقدرش بثمن ما ننساكمش… وتبقاو دايمًا معايا، وين ما مشيت وين ما لعبت و وين ما وقفت”.

أتم: “راني ماشي، بصح سايب قلبي هنا… الذكريات، الضحك، التعب، الأهداف، لمّة الأوضة، لحظات النصر، وحتى الدموع… كامل راهم محفورين في قلبي، دعواتكم معايا في المشوار الجاي، وتبقى سيراميكا ديما في قلبي”.