الهبارنة يعبّر: الحسين دعم سيدنا وأمل الأردن ـ تأليف: محمد الهبارنة
الحسين بن عبدالله مش بس ولي عهد الحسين هو الحلم اللي كبر قدامنا والشاب اللي شفناه من صغره واقف مع سيدنا ماسك إيده بثقة وبصورة قوية تعني أنا جاهز لخدمة الوطن .الحسين مش بس وريث اسم هو وريث روح وتربية وأصل طيب من يومه والناس شايفينه غير مش بس أمير هو واحد من إخوانا و واحد من ولادنا ابن هالتراب الأردني الي كبر بين الناس اليوم الناس ما حبت الحسين هيك حبته لأنه قريب لأنه صادق لأنه عارفنا وعارف وجعنا ودائماً موجود بينا.كل سنة بيكبر الحسين بس ما تغير علينا ولا راح يتغير بس بكل سنة تمر بيكبر حب الناس إله لأنه كل مرة بيطل فيها بيكون حامل رسالة وبيترك أثر عند الناس في السوق في المدرج في الملعب بيمشي يتفقدهم وبيوقف عند حجة يشتري منها يضحك ويبتسم ويسألها عن حالها ومع الشباب في الجامعة بيقعد الحسين يناقشهم بلغتهم مش بلغته كأمير وولي عهد وفي الميدان بين العسكر كمان بنشوفه جندي لابس البدلة مش هيك لابسها لأنه من قلبه جندي واقف مع النشامى مش متفرج عليهم.عشان هيك الحسين غير.سموه ورث عن جده الحسين بن طلال الحنية والهيبة وورث عن سيدنا عبدالله الثاني الحكمة والحضور وورث عن الأردنيين صبرهم وهمتهم وإصرارهم على الشرف والكرامة.اليوم الحسين طينته منا ونبضه من نبضنا وكل موقف إله فيه محبة وكل زيارة إلها قيمة عظيمة والمحافل الدولية بتشهدفي دافوس في الرياض في واشنطن في اليابانالحسين صوت الأردن العالي ما كان عالي بس كان صوت واصل صوت واثق صوت محترم وملفت مش قاعد يجمل أو قاعد يمثل باسم الأردن وشعبه .الحسين مش بس صورة حلوة ولا ظهور إعلام هو حضور حقيقي إنساني عامل فرق وبيترك أثر وين ما راح الحسين عز السند لسيدنا وفرحة للناس وراية بتطمن الكل إنه بكرا خير وأمان بإذن الله تعالى.الحسين امتداد لمدرسة الحسين الباني الله يرحمه اللي لليوم صورته معلقة بكل بيت ولسا الدعوة بكل بيت بتقول الله يرحمك يا بو عبدالله و ما غابت عن لسان الناس.واليوم بنقول: الله يحفظك يا ابو حسين وسندك حسينكل مرة بيطل علينا بنشوف في ملامحه الوطن وبنشوف بشخصه صورة المستقبل ومع كل خطوة امل اليوم بنقولها من القلبكل عام وإنت بخير يا سمو الأمير يا حفيد الحسين وسند ابا الحسينيا ابن الأردن وروحه ونبضه