الهبارنة يكتب: نحن بالفعل أقوياء ـ تأليف: محمد الهبارنة

من محافظة البلقاء خرج حديث رئيس الوزراء الدكتور جعفر حسان بكلمات قليلة لكن معناها كبير ولها وزنها الثقيل. قالها بكل ثقة وإدراك نحن أقوياء بقيادتنا بشعبنا بجيشنا وبمؤسساتنا الأمنية هاي الجملة مش بس وصف للواقع هي تعبير عن ثقة بلد وعن شعب تعود يمشي ضد الريح وما ينحني ولا يهتز لا بالظروف ولا بالأزمات وعقيدة جيش واجهزة امنية مخلصه لوطنها ومليكهاكلنا بنعرف بان المنطقة كلها على صفيح ساخن كل يوم نسمع عن حرب هنا وهناك ومواجهة هنا وهناك لكن الأردن بفضل الله واقف بثبات ولم يكن طرف في من الصراعات وبنفس الوقت مش ساكت كمان الأردن حامي سيادته وحامي حدوده وما نرضى الفوضى تدخل علينا ولا بنسمح لحدا يهدد أمننا أو استقرارنا.مايلفت النظر بحديث الرئيس إنه قالها بصراحة ما رح نوقف شغلنا بسبب الأزمات يعني إحنا تعودنا على الأزمات وعارفين طريقنا ما بدنا لا حجج ولا أعذار يعني البلد بدها تشتغل وتمشي والحكومة مسؤولة والمواطن إله حق يشوف الإنجاز حتى بأصعب الظروف والأوقات هذا الحكي لحاله يطمن ويعطي انطباع قوي لأنه بيعني إنه الدولة واعية وقوية وماشية بخط واضح وبتشتغل بكافة الظروف.وغزة؟ وفلسطين ما نسيناهم ومع هيك وفي وسط كل الأحداث الأخيرة الأردن ما نسي غزة ولا القضية الفلسطينيةوالرئيس قالها صراحة العالم نسي غزة رغم إن اللي صار فيها أكبر من كل المواجهات بس إحنا بالأردن بكل مكوناته ما بننسى غزة ولا القدس و القدس دايماً بالبوصلة وجلالة الملك الله يحفظه ويمد بعمره ما وقف لحظة عن الدفاع عن فلسطين وعن حق أهلها حتى خلال الصراع القائم بين إسرائيل وإيران كان صوت الأردن واضح وقوي بقيادة جلالته اعز الله حكمهكلمة الرئيس نحن أقوياء مش كلام هذا واقع ما كان يحكي عن استعراض كان يحكي عن قناعة ان الوطن ما بيعرف يضعف ولا رح يضعف إن شاء الله لانه قوتنا ليست مستوردة قوتنا من داخلنا من قوة ووعي شعبنا وقوة مؤسسات الدولة الي بتشتغل لخدمة الناس و من حكمة وقوة وشرعية قيادة هاشمية حكيمة بتلف العالم عشان كرامة شعبها وأمنها قيادة بتحب وطنها وشعبها وبتصونه بالفعل مش بالشعارات.بالنهاية الأردن ماشية وبقوة وبحفظ الله سبحانه وتعالى يمكن في صعوبات ويمكن في ضغوط بس في بلد ما يهتز ولن يهتز وفي حكومة بتحكي بلسان الناس وبتوعد بالممكن ان شاء الله مش بالمستحيل.اللهم احفظ الوطن ملكاً وشعباً وجيشاً