نحن جائعون يا أصدقاء
أمد/ يا ولاد الكلب جوعتونا
وصرخات الكِسرة طلعت فينا
سرقوا الطحين، خبّوا الكيس
والموت بطبخته بيكفينا
خلّونا نِلْحَس طوابير الجوع
ونعدّ الأنفاس على أصبعنا
طفل بعيونه بيحكي كتير
“ماما… بدّي أَكُل!” ودمعك وينه؟
شفتوا جبين الجوعان كيف؟
مليان وجع وما بيميل
وشفتوا صحن الزيتون خالي؟
كان عالراس… وصار هزيل
يا ناس الخبز أمل مكسور
يا ناس الميّة ما بتكفّينا
جُعنا… وما ضَلّ إلا الله
بس الله كبير وبيحيينا
جُعنا جُعنا واحنا كبار
جُعنا جُعنا واحنا صغار
يا وجع الأمة وين الغار؟
وين اللي قالوا إحنا أنصار؟
” موال حر”
يا خبزة صارت حُلم بعيد
يا مِيّة صافية وريحة عيد
قالوا لنا: صبركم مفتاح
لكن المفتاح صار حديد
شارك